Home / Habari za Kimataifa / Ethiopia yakataa wachunguzi wa kigeni

Ethiopia yakataa wachunguzi wa kigeni

Waziri Mkuu wa Ethiopia Hailemariam Desalegn

Ethiopia imepuuza pendekezo la Umoja wa mataifa na Muungano wa EU wa kutaka wachunguzi wa kimataifa kuingia nchini humo na kuchunguza vifo vya mamia ya watu wanaodaiwa kuuwawa kufuatia miezi kadhaa ya maandamano ya kuipinga serikali.

Waziri Mkuu Hailemariam Desalegn ameiambia BBC kuwa tume ya kitaifa ya haki za Kibinadamu tayari inachunguza visa hivyo. Mapema mwezi huu mjumbe maalum wa Muungano wa EU kuhusu haki za kibinadamu aliitaka Ethiopia kushirikiana na Umoja wa mataifa kuhusu suala hilo.

Bunge la nchi hiyo hivi majuzi liliongeza muda wa hali ya hatari iliyotangazwa mwezi Oktoba mwaka kwa miezi minne zaidi.

Akizungumza na BBC Waziri mkuu huyo ametetea hatua ya serikali yake kuongezea muda tangazo la hali ya hatari iliyotangazwa mwezi Oktoba mwaka jana,akidai hali hiyo ilihitajika ili kuweza kukabiliana na baadhi ya watu ambao bado wana nia ya kuleta ghasia.

Kuhusu uchunguzi wa vifo vya mamia ya Watu waziri Desalegn amesema ni lazima haki ipatikane kwa sababu kuna nia ya kushughulikia hilo ndani ya Serikali. Amesema uchunguzi umefanywa na matokeo yake yatawekwa wazi.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Mtanzania mwanaharakati Rebeca Gyumi ashinda tuzo ya Umoja wa Mataifa

Rebeca Gyumi Mwanaharakati wa kutetea haki za wanawake na watoto kutoka nchini Tanzania Rebeca Gyumi, …

Leave a Reply

Your email address will not be published. Required fields are marked *