Home / Michezo / Barca yashindwa kupata bao kwa mara ya kwanza katika kipindi cha miaka mitano

Barca yashindwa kupata bao kwa mara ya kwanza katika kipindi cha miaka mitano

Barca yashindwa kupata bao kwa mara ya kwanza katika kipindi cha miaka mitano

Barcelona walilazimishwa sare 0-0 na klabu ya Olympiakos na hivyobasi kushindwa kufunga bao kwa mara ya kwanza katika kipindi cha miaka mitano katika mechi ya kimakundi ya kombe la vilabu bingwa Ulaya.

Luis Suarez alipiga mwamba wa goli huku Barcelona ikijaribu kutafuta ushindi ambao ungewasaidia kufuzu katika raundi ya muondoano huku ikiwa imesalia mechi mbili.

Baadaye mshambuliaji huyo alimpgia pasi Lionel Messi badala ya kufunga yeye mwenyewe baada ya saa moja.

Barca inaongoza kundi D kwa pointi tatu baada ya Juventus kupata sare ya 1-1 na Sporting Lisbon.

Ernesto Valverde ambaye alikuwa anarudi kwa klabu yake ya zamani aliisaidia timu yake kupata alama 10 katika mechi nne.

Barca inahitaji pointi moja pekee kutoka kwa mechi mbili za mwisho dhidi ya Juventus na Sporting kufuzu katika raundi ya timu 16.

Juventus ambayo imeshinda mechi mbili, kupata sare moja na kupoteza mechi moja iko pointi tatu juu ya Sporting Lisbon ambayo ipo katika nafasi ya tatu.

Gonzalo Higuain alisawazisha ikiwa imesalia dakika 11 baada ya Bruno Cesar kuiweka kifua mbele Sporting Lisbon uongozini baada ya kipindi cha kwanza .

Juve sasa ipo katika nafasi nzuri kusonga mbele katika raundi ya timu 16

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Nyota wa Afrika wamkumbuka mmiliki wa Leicester City Vichai Srivaddhanaprabha

Riyad Mahrez (kushoto) ni mmoja ya walitoa heshima zao kwa Vichai Srivaddhanaprabha Wachezaji wa Kiafrika …

Leave a Reply

Your email address will not be published. Required fields are marked *