Home / Michezo / Ousmane Dembele: Mchezaji ghali zaidi Barcelona atarajiwa kurejea

Ousmane Dembele: Mchezaji ghali zaidi Barcelona atarajiwa kurejea

Mchezaji aliyenunuliwa pesa nyingi zaidi na Barcelona Ousmane Dembele huenda akarejea kucheza wiki hii baada ya kukaa nje ya uwanja wa karibu miezi minne.

Mshambuliaji huyo wa Ufaransa mwenye miaka 20 alijiunga na Barca Agosti kwa £96.8m lakini akaumia akichezea klabu hiyo mechi yake ya tatu – dhidi ya Getafe mnamo 16 Septemba.

Dembele alifanyiwa upasuaji nchini Finland.

Sasa, huenda akarejea kucheza dhidi ya Celta Vigo katika Copa del Rey Alhamisi.

Barcelona yamsajili Ousmane Dembele kwa £135.5m
”Dembele anaweza kufikia kiwango cha Neymar”
Viongozi wa ligi Barcelona kisha watakutana na Levante katika La Liga Jumapili.

Barca ambao wamo alama tisa mbele kileleni kwenye ligi wamepangiwa kukutana na Chelsea hatua ya 16 bora Ligi ya Klabu Bingwa Ulaya Februari na Machi.

Ousmane Dembele aliumia misuli ya paja akicheza dhidi ya Getafe mnamo Septemba 16
Dembele – aliyejiunga nao kutoka Borussia Dortmund – ndiye mchezaji wa pili ghali zaidi duniani ba bei yake ya uhamisho inaweza kupanda hadi £135.5m.

Pesa walizolipa Barcelona mwanzoni zilikuwa karibu nusu ya £200m walizopokea kutoka Paris St-Germain kwa mshambuliaji Mbrazil Neymar.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Willian anasema hakuna sababu ingemfanya kusalia Chelsea iwapo Antonio Conte angebakia

Willian alifunga magoli 13 na kutoa pasi 12za usaidizi katika mechi 55 za Chelsea msimu …

Leave a Reply

Your email address will not be published. Required fields are marked *