Home / Habari za Kimataifa / Trump ajichanganya na kauli yake kuhusu Urusi

Trump ajichanganya na kauli yake kuhusu Urusi


Rais Donald Trump wa Marekani na Vladmir Putin wa Urusi

Rais wa Marekani Donald Trump amesema anakubaliana na hitimisho lililotolewa na Taasisi za Ujasusi za nchi yake kwamba Urusi iliingilia kati uchaguzi mkuu wa nchi hiyo wa mwaka 2016.

Akikanusha kauli yake aliyoitoa siku moja iliyopita baada ya mkutano wake na Rais Vladmir Putin wa Urusi.

Amesema alieleweka vibaya siku ya Jumatatu na kwamba alikuwa akimaanisha kwamba hakuona sababu kwanini isiwe Urusi ambayo ilifanya udukuzi katika uchaguzi huo.

Obama aonya dhidi ya viongozi wababe, azungumzia Ufaransa

Kamera zinazotambua iwapo una raha ama wewe ni tishio

Ni Rais Trump akiitolea ufafanuzi na kuikanusha kauli yake ya awali, ambayo imezua sintofahamu na kukosolewa vikali. Hata kwa baadhi ya washirika wake wakitaka ufafanuzi zaidi na kusafisha kauli hiyo.

Amedai kuwa katika mkutano huo wa Helsinki alimaanisha kusema kwamba hakuna sababu ya kufikiria kuwa Moscow haiwezi kuingilia kati uchaguzi wa Marekani.

Amesema ana imani na kuunga mkono taasisi za usalama za nchi yake.

Rais Donald Trump

”..Naanza kusema kwamba nina imani na kuunga mkono mashirika ya kijasusi ya Marekani na siku zote ni hivyo. Acha niweke wazi kabisa kwa kusema kuwa na nimekuwa nikisema hivyo mara kadhaa, nakubaliana na hitimisho lililotolewa wapelelezi wetu kwamba Urusi ilifanya udukuzi katika uchaguzi uliofanyika mwaka 2016..” Ameongezea Trump

Rais wa Venezuela: Afrika ilishinda kombe la Dunia

Jina Zimbabwe lina ‘laana’

Lakini hata hivyo baadhi ya wapinzani wake, wamesema hawana imani na utetezi huo alioutoa Rais Trump, Huku baadhi yao wakiionya Urusi kwamba kilichotokea mwaka 2016, kisitokee tena.

Rais Vladmir Putin wa Urusi

Hata hivyo Kwa upande wake Mark Warner, Seneta kutoka chama cha upinzani nchini Marekani cha Democratic ameweka wazi kwamba hana imani na kauli za kiongozi huyo.

”…Sikubaliani na kauli alizotoa Rais leo. Kama angetaka kutoa kauli hizo, angepaswa kuwa na uwezo wa kufanya hivyo mbele ya Vladmir Putin. Huyu ni Rais ambaye alionesha udhaifu mbele ya kiongozi wa Urusi, alionesha udhaifu mbele ya dunia nzima…” Alisema Seneta Warner

 

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Comoro: Kumezuka ghasia katika kisiwa cha Anjouan

Wakazi wa kisiwa cha Anjouan nchini Comoro wamesema kumekuwa na milio ya risasi katika mitaa …

Leave a Reply

Your email address will not be published. Required fields are marked *