Home / Habari za Kimataifa / MWANAMKE AWAPIGA RISASI WAGENI WALIOPIGA KELELE.

MWANAMKE AWAPIGA RISASI WAGENI WALIOPIGA KELELE.

Mwanamke mmoja katika jimbo la Florida nchini Marekani, aliwafyatulia risasi wageni waliokuwa wamemtembelea kwa sababu walikuwa wamekaa sana na walikuwa wanapiga kelele, polisi wanasema.

Alana Annette Savell, 32, alikuwa mwenyeji wa wageni hao wawili, wapenzi, katika jiji la Panama pale walipoanza kupiga kelele sana.

Polisi wanasema aliwaamrisha kuondoka kutoka nyumbani kwake, kabla ya kuwapiga risasi miguuni.

Walijipeleka hospitalini wakiwa na majeraha, ambayo hayakuwa mabaya sana.

Bi Savell ameshtakwia kwa kuwashambulia watu akitumia bunduki.

Afisi ya Mwendesha mashtaka wa wilaya ya Bay iliambia BBC kwamba mwanamke huyo kwa jina Kristy Jo Mohr alikuwa amefika na mpenzi wake, ambaye walikuwa wamekutana kwenye baa, nyumbani kwa mshtakiwa mwendo wa saa saba usiku Jumatatu.

Bi Savell aliambia polisi alianza kukerwa na wageni hao baada yao kuanza kunywa pombe na kuzungumza kwa sauti ya juu.

Badala ya kuwadokezea kwamba alikuwa amechoshwa nao kwa kula miayo au kuweka vyombo vya jikoni kwenye mashine ya kuosha vyombo, alichomoa bunduki yake na kuwafyatulia risasi miguuni.

Bi Mohr aliumizwa miguu yote miwili naye mpenzi wake, aliyetambuliwa tu kwa jina Cowboy akaumia mguu mmoja.

Bi Mohr ameambia polisi anakadiria kwamba kwa jumla Bi Savell alifyatua risasi nane au tisa.

Aliposhtukia amepigwa risasi mguuni, anasema alikimbia na kuiongia kwenye gari.

Mpenzi wa washukiwa ameambia maafisa wanaochunguza kisa hicho kwamba alikuwa amemshauri kwamba mgeni akikatalia nyumbani baada ya kumwambia mara tatu, achukue bunduki na kufyatua risasi sakafuni.

“Hilo lisipofanya kazi, basi awafyatulie risasi miguuni,” maafisa wa mashtaka wamesema.

Bi Savell kwa sasa bado anazuiliwa uchunguzi zaidi ukiendelea.

SOURCE BBC SWAHILI.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

DSTV, AZAM na ZUKU zatakiwa kuonyesha bure vipindi vya stesheni za Tanzania

Waziri wa Habari, Utamaduni, Sanaa na Michezo nchini Tanzania ,Dr.Harrison Mwanyembe Waziri wa Habari, Utamaduni, …

Leave a Reply

Your email address will not be published. Required fields are marked *