Home / Habari za Kimataifa / Aliyekuwa rais maskini zaidi duniani akataa malipo ya uzeeni

Aliyekuwa rais maskini zaidi duniani akataa malipo ya uzeeni

Aliyekua rais wa Uruguay Jose Mujica, aliyejulikana kama rais maskini zaidi duniani amesema hatachukua malipo yake ya uzeeni tangu aanze kuhudumu kama seneta.

Mujica aliacha kazi ya useneta mnano Jumanne, kiti ambacho amekua akishikilia tangu muda wake wa kuhudumua kama raisi ukamilika mwaka wa 2015.

Alidai kuwa amechoka na hangeweza kuendelea na kazi hadi mwaka wa 2020. Muasi huyo wa zamani wa mrengo wa kushoto ana miaka 83.

Mujica aliwasilisha barua ya kuacha kazi kwa mkuu wa seneti. Alisema ya kwamba fikra ya kuacha kazi ni ya kibinasfi huku akiongeza kuwa ni uchovu wa safari ndefu.

Hata hivyo aliongeza kua ataendelea kuchangia hoja kwa sababu bado akili yake inafanya inafanya kazi.

Mujica anayejulikana kwa matamshi yake ya kichesi aliomba msamaha kwa wenzake kwa uamuzi huo.

Mwaka 2016, alidai rais wa Venezuela Nicolás Maduro ni mwendazimu kama mbuzi.

Umaarufu wake ulienea kutokana na maisha yake ya chini ya kukataa kuishi kwenye ikulu ya rais.

Alitoa mshahari wake kwa misaada na kile alichobaki nacho tu alipoingia ofisini mwaka wa 2010 ni gari aina ya Volkswagen Beetle la mwaka 1987.

Gari hilo lilipata umaarufu na mwaka 2014 alipewa dola milioni moja lakini akataa huku akidai kuwa atashindwa kumbeba mbwa wake mwenye miguu mitatu.

Kuacha kazi kwa Mujica hakukupokelewa na mshangao kwa sababu alikua amedokeza kufanya hivyo mnano Agosti 3 alipofika mara ya mwisho seneti.

Tanzania kati ya nchi raia hawana furaha duniani
Wakati huo, mahasimu wake wa kisiasa walisema hawakua na uhakika ya kwamba atastaafu.

Seneta Luis Alberto Heber alidai kuwa Mujica aliacha kazi ili ajipange kuwania kiti cha urais mwaka 2019 kwa mara ya pili.

Huku wenazke katika seneti wakimjalia mazuri,wakosoaji waliendeleza mijdala kwenye mitandao ya kijamii wakidai aombe msamaha vitendo alivyofanya wakati akiwa mwanachama wa waasi wa Tupamaros miaka ya 1960 na 70.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Comoro: Kumezuka ghasia katika kisiwa cha Anjouan

Wakazi wa kisiwa cha Anjouan nchini Comoro wamesema kumekuwa na milio ya risasi katika mitaa …

Leave a Reply

Your email address will not be published. Required fields are marked *