Home / Michezo / Tetesi za Soka Ulaya Alhamisi 13.09.2018 : Jerome Boateng, Anthony Martial, Jose Mourinho, Zinedine Zidane, Rafael Nadal

Tetesi za Soka Ulaya Alhamisi 13.09.2018 : Jerome Boateng, Anthony Martial, Jose Mourinho, Zinedine Zidane, Rafael Nadal

Beki Jerome Boateng, 30, amemwambia Jose Mourinho kuwa amekataa ofa ya kujiunga na Mashetani Wekundu kwa sababu haoni kuwa kuhamia Manchester United akitokea Bayern Munich kama kupiga hatua ya maendeleo. (Mirror)

Mshambuliaji Marcus Rashford anataka kusalia Manchester United na kupambana kupata nafasi katika kikosi cha kwanza. Hatahivyo kama atashindwa kupata nafasi katika kikosi cha kwanza basi mchezaji huyo mwenye umri wa miaka 20 atalazimika kufanya maamuzi magumu mwishoni mwa msimu. (Sun)

Kocha wa Manchester United Mourinho “ameshindwa kumvumilia” winga wa klabu hiyo Anthony Martial mwenye umri wa miaka 22. Martial anatarajiwa kuondoka United na kujiunga na timu nyengine ya ligi kuu ya England. Klabu za Arsenal na Tottenham zimeonesha nia ya kumsajili raia huyo wa Ufaransa. (Express)

Paul Pogba “aliahidiwa” na wakala wake wakati anarejea Manchester Unite akitoka Juventus kuwa angejiunga na Barcelona au Real Madrid mara baada ya kumalizika kwa msimu.(Manchester Evening News)

Rais wa Real Madrid Florentino Perez ameghadhabika baada ya kusikia mipango ya kocha wa zamani wa klabu hiyo Zinedine Zidane kuwa anataka kuinoa Manchester United.(Express)

Perez pia amempigia chapuo nyota wa tenisi Rafael Nadal kumrithi na kuwa raisi wa Real Madrid katika siku za usoni. (Mail)

Chelsea wapo katika hatihati ya kumpoteza kiungo wa Uhispania Cesc Fabregas, 31, na kuelekea Inter Milan ama AC Milan kama mchezaji huru mwezi Januari kutokana na mkataba wake kukipiga katika dimba la Stamford Bridge kufikia kikomo mwisho wa msimu. (Express)

Kiungo wa Arsenal Aaron Ramsay, 27, amesema yupo katika rada za klabu ya AC Milan. Mkataba wa kiungo huyo na Arsenal unamalizika mwisho wa msimu. (Sun)

Kiungo mchezeshaji wa Lyon Nabil Fekir, 25, ameachana na fikra za kukwama kwa uhamisho wake – lakini hilo halijamkatisha tamaa ya kufikiria kuchezea Ligi ya England katika siku za usoni. (Mirror)

Winga Willian amesema hakutaka kabisa kuhama Chelsea katika kipindi hiki licha ya kutakiwa na Manchester United na kupokea ofa mara tatu kutoka Barcelona. Raia huyo wa Brazil mwenye miaka 30 anatumai kusalia Chelsea kwa miaka mitano Zaidi. (Sky Sports)

Bora kutoka Jumatano

Juventus watajaribu kumnunua tena nyota wa Ufaransa anayeichezea Manchester United Paul Pogba mwenye miaka 25 mwezi Agosti mwaka ujao. Mabingwa hao wa Italia pia wanataka kumnunua beki wa Brazil, Marcelo, mwenye miaka 30 ambaye kwa sasa huwachezea Real Madrid (Tuttosport)

Barcelona wanajiandaa kuwanunua mabeki kamili wa Uhispania Nacho Monreal, 32, na Alberto Moreno, 26, ambao huchezea Arsenal na Liverpool mtawalia. (Mundo Deportivo)

Ilkay Gundogan akichezea Ujerumani

Kiungo wa kati wa Ujerumani anayechezea Manchester City Ilkay Gundogan, 27, yuko radhi kuwakataa Barcelona ambao wanataka kumnunua mwezi Januari na badala yake kuanzisha mazungumzo kuhusu mkataba mpya katika klabu hiyo ya Etihad. (Sun)

Winga wa Liverpool kutoka Serbia Lazar Markovic, 24, ameshushwa hadhi na kulazimishwa kushiriki mazoezi na timu ya vijana wa chini ya miaka 23 katika klabu hiyo. Markovic amechezea Liverpool mechi 19 Ligi ya Premia tangu ajiunge nao kwa uhamisho wa £20m kutoka Benfica mwaka 2014. (Liverpool Echo)

Mshambuliaji wa Everton na England Theo Walcott, 29, anatarajiwa kuikosa mechi ya Ligi ya Premia Jumapili dhidi ya West Ham baada ya kuumia ubavuni. Hata hivyo, Wacott anatarajiwa kuwa sawa kucheza dhidi ya klabu yake ya zamani Arsenal mnamo 23 Septemba.

(Telegraph)

Theo Walcott

Mshambuliaji wa zamani wa Manchester City na Liverpool Mario Balotelli, 28, alikuwa na uzani wa kilo 100 alipofika kwa mazoezi ya kujiandaa kwa msimu mpya katika klabu ya Nice ya Ufaransa. Uzani huo ni kilo 12 zaidi ya uzani wake rasmi. (L’Equipe)

Kipa wa Manchester United na Uhispania David de Gea, 27, bado anaongoza duniani licha yake kufanya makosa kadha, baadhi katika Kombe la Dunia, kwa mujibu wa meneja wa timu ya taifa ya Uhispania Luis Enrique. (Football Espana)

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Rais wa Liberia George Weah acheza mechi ya kirafiki akiwa miaka 51

George Weah alichezea Monaco, Paris St-Germain na AC Milan – akikaa muda mfupi Chelsea na …

Leave a Reply

Your email address will not be published. Required fields are marked *