Home / Habari Za Kitaifa / Wakulima Tanzania watafuta masuluhisho kwa changamoto zao

Wakulima Tanzania watafuta masuluhisho kwa changamoto zao

wakulima

Wakulima nchini Tanzania wameonya kuwa huenda nchi hiyo ikaingia kwenye baa la njaa kutokana na wakulima wengi kukata tamaa ya kulima mazao ya chakula kwa kile walichokitaja kuwa soko kutokuwa la uhakika, huku wakishuhudia anguko kubwa la bei ya mazao ya chakula.

Mwenyekiti wa mtandao wa wakulima wadogo Mviwata Abdul Gea akiwasilisha mawazo ya wakulima wadogo mbele ya Waziri mkuu Kassimu Majaliwa amesema huenda nchi ikakumbwa na baa la njaa kutokana na kukosekana kwa masoko ya uhakika kwa miaka mitatu mfululizo, licha ya mkulima kuzalisha mazao kwa wingi kama wanavyosisitizwa na serikali.

Hata hivyo licha ya mkulima mdogo nchini Tanzania kuwa na mchango mkubwa wakati taifa likipitia vipindi vigumu kwa nyakati tofauti, ikiwemo wakati wa kupata uhuru na vita ya kagera, na kutajwa kusimama imara kuhakikisha taifa linaondoa dosari ya njaa kwa kuchangia chakula kwa asilimia tisini, wanasema bado hakujawa na mipango imara na yenye tija kwa kundi hilo la wakulima.

Hili linalifanya shirika la chakula ulimwenguni FAO kutoa sisitizo la wakulima kuhakikisha wanaendelea kutekeleza jukumu lao la kuzalisha mazao ya chakula kwa wingi ili kuwe na dunia ambayo hakuna njaa.

Akitoa msimamo wa serikali katika kushughulikia changamoto za wakulima ikiwemo masuala ya soko, waziri mkuu Kaasim Majaliwa amesema kuwa tayari nchi imeshafanya mazungumzo na mataifa yaliooendelea kama China, Japan na hata ujerumani kuhakikisha kuwa wakulima wanapata soko la uhakika, ikiwemo ujenzi wa viwanda vya kuchakata mazao ya kilimo kama vile muhogo.

maadhimisho haya yatafatiwa na kongamano la wakulima litakalo wajumuisha wakulima, wakurugenzi wa benki, maafisa wa ngazi mbalimbali serikalini na watajadili kwa uwazi changamoto za mkulima shambani ili kuleta uhalisia katika kauli ya kilimo ni uti wa mgongo wa taifa na baadae kuja na mapendekezo ambayo serikali pamoja na wadau wa kilimo wanapaswa kuyatekeleza.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Utata Kuondolewa Chaneli Zisizolipiwa

Mamlaka ya Mawasiliano Tanzania (TCRA) imeombwa kuwaelimisha Watanzania, kuhusu kuondolewa kwa chaneli zisizolipiwa kwenye visimbuzi …

Leave a Reply

Your email address will not be published. Required fields are marked *