Home / Habari za Kimataifa / SIMU ZA NOKIA 3310 KUREJEA?

SIMU ZA NOKIA 3310 KUREJEA?

Dave Mitchell anasema ametumia simu yake tangu 2000

Kuna taarifa kwamba huenda simu muundo wa Nokia 3310 zikazinduliwa upya na kuanza kuuzwa tena baadaye mwezi huu.

Kampuni ya HMD Global Oy ya Finland, ambayo ina haki za kuunda bidhaa za nembo ya Nokia ndiyo inayodaiwa kuwa na mipango hiyo.

Simu hizo inaarifiwa zitazinduliwa wakati wa Kongamano la Simu za Rununu Duniani baadaye mwezi huu.

Kampuni ya Nokia ilinunuliwa na Microsoft mwaka 2013.

Simu asilia za Nokia 3310 zilipata umaarufu kutokana na uthabiti wake.

Nokia 3310/3330, zilizinduliwa 2000, na ni miongoni mwa simu zilizouzwa sana duniani. Jumla ya simu 126 milioni za aina hiyo zilitengenezwa na Nokia.

Una kumbukumbu za simu hiyo?

Dave Mitchell nchini Uingereza anaamini kwamba anamiliki moja ya simu za zamani zaidi aina ya Nokia 3310 nchini Uingereza.

Alinunua simu hiyo mwaka 2000 na anasema amekuwa akiitumia tangu wakati huo – bila natatizo yoyote.

Mwanajeshi huyo wa zamani anasema simu hiyo imewahi kufuliwa pamoja na nguo kwenye mashine, ikakanyagwa na hata kutumbukia kwenye mchuzi.

Anasema huwa inamhitaji kuweka chaji baada ya siku kumi.

Bado ina betri yake asili.

“Nilinunua simu hii zaidi ya miaka 17 iliyopita na sijawahi kubadilisha chochote. Sijui ni watu wangapi wenye simu za kisasa wanaweza kusema hayo.”

Historia ya simu za Nokia

Simu hii ya Nokia 1011 iliyozinduliwa mwaka 1992 iliyokuwa na uzani wa nusu kilo (gramu 495/1.1lb), ilikuwa ya kwanza ya GSM kuuzwa sana

Nokia aina ya 5110 ambazo ungebadilisha sehemu ya juu

Nokia 8210 ambayo ilikuwa nyepesi zaidi mwaka 1990. Ilikuwa na uzani wa gramu 79

Nokia 3310/3330, zilizinduliwa 2000, na ni miongoni mwa simu zilizouzwa sana duniani. Jumla ya simu 126 milioni za aina hiyo zilitengenezwa na Nokia.

Majaribio ya kwanza kabisa ya simu aina ya smartphone ilikuwa Nokia 3650 iliyozinduliwa 2002. Ilitumia mfumo endeshi wa Symbian Series 60, lakini haikuvuma sana kutokana na kipadi yake

Moja ya simu za kwanza za Nokia za 3G, Nokia 7600 ilizinduliwa 2003. Ilikuwa sehemu ya msururu wa simu za “Mitindo”. Haikuvutia watu wengi.

Nokia ilizindua pia N-Gage mwaka 2003, ambayo ni mashine ya kucheza michezo ya kompyuta na simu. Haikuvutia watu wengi.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Mohamed Bin Salman

CIA ‘yamlaumu mwanamfalme wa Saudia ‘

Shirika la ujasusi la Marekani(CIA) linaamini kuwa Mwanamfalme Mohammed bin Salman wa Saudi Arabia ndiye …

Leave a Reply

Your email address will not be published. Required fields are marked *